கலிங்கப்பட்டியில் வாக்களித்த வைகோ!

திருநெல்வேலி: மதிமுக பொதுச் செயலாளர் வைகோ இன்று தனது வாக்கினைப் பதிவு செய்தார்.

தமிழ்நாட்டில் மொத்தமுள்ள 39 நாடாளுமன்ற தொகுதிகளில், வேலூர் தொகுதி நீங்கலாக 38 தொகுதிகளுக்கும், 18 சட்டப்பேரவை தொகுதிகளுக்கும் இன்று ஒரே கட்டமாகத் தேர்தல் நடைபெற்று வருகிறது.

காலை முதலே முதலமைச்சர் எடப்பாடி பழனிசாமி, எதிர்க்கட்சித் தலைவர் ஸ்டாலின், தேமுதிக தலைவர் விஜயகாந்த், பாமக நிறுவனர் ராமதாஸ் உள்ளிட்ட அரசியல் பிரபலங்கள் தங்களின் வாக்கினைப் பதிவு செய்து வருகின்றனர்.

அந்த வகையில், மதிமுக பொதுச் செயலாளர் வைகோ தனது சொந்த ஊரான நெல்லை மாவட்டம் கலிங்கப்பட்டியில் தனது வாக்கினைப் பதிவு செய்தார்.