நாங்குநேரி சட்டப்பேரவை இடைத்தேர்தல் வரும் 21ஆம் தேதி நடைபெறுகிறது. இந்தத் தேர்தலில் காங்கிரஸ் சார்பில் போட்டியிடும் ரூபி மனோகரனை ஆதரித்து திமுக தலைவர் ஸ்டாலின் கடந்த மூன்று நாள்களாக பரப்புரை மேற்கொண்டுவருகிறார். மூன்றாம் நாளான நேற்று நாங்குநேரி, பேரூர், பரப்பாடி, இட்டமொழி, விஜய நாராயணபுரம், முனைஞ்சிப்பட்டி, மூலக்கரைப்பட்டி ஆகிய இடங்களில் திறந்த வேனில் பரப்புரை மேற்கொண்டார்.
அப்போது பேசிய அவர், "ராணுவவீரர் இந்தியாவை காப்பாற்ற ராணுவத்தில் பணிபுரிவதுபோல், நாங்குநேரி தொகுதி மக்களுக்கு காங்கிரஸ் வேட்பாளர் செயலாற்றுவார்.
முதலமைச்சர்உள்ளிட்ட 15 பேர் வேலை வாய்ப்பு ஏற்படுத்தி தருவதற்காக வெளிநாடு பயணம் மேற்கொண்டனர். இதேபோல் ஜெயலலிதா முதலமைச்சராக இருந்தபோது 2015ஆம் ஆண்டு போடப்பட்ட 98 புரிந்துணர்வு ஒப்பந்தம் மூலம் 2.42 லட்சம் கோடி ரூபாய் முதலீடு பெறப்பட்டது
அதேபோல் 2017ஆம் ஆண்டு போடப்பட்ட புரிந்துணர்வு ஒப்பந்தம் மூலம் 3.4 லட்சம் கோடி ரூபாய் முதலீடு பெற்றது என அரசு சார்பில் தெரிவிக்கப்பட்டது. இது குறித்து அறப்போர் இயக்கம் சார்பில் ஆர்டிஐ மூலம் பெறப்பட்ட தகவலில் வெறும் 14 ஆயிரத்து 153 கோடி ரூபாய் மட்டுமே முதலீடு பெறப்பட்டது தெரியவந்துள்ளது. இந்த முதலீடுகளை கொண்டு சுமார் 10லட்சம் பேருக்கு வேலை அமைத்து கொடுப்போம் என்றனர். ஆனால் ஆயிரம் பேருக்கு கூட வேலைவாய்ப்பை பெற்று தரவில்லை.
மேலும் கட் அவுட் கலாசாரம் தேவையில்லை என்பது திமுக கொள்கை, பேனர் வைக்கட்டும் வேண்டாம் என சொல்லவில்லை அனுமதி பெற்று வைக்கட்டும். அதிமுகவை சேர்ந்த யாரும் சுபஸ்ரீ வீட்டிற்கு சென்று இதுவரை ஆறுதல் சொல்லவில்லை? தற்போது தமிழ்நாட்டில் பெண்களுக்கு பாதுகாப்பு இல்லாநிலையே உள்ளது.
குறிப்பாக ஆட்சியை காப்பாற்றும் சூழ்நிலையில்தான் அதிமுகவினர் இருக்கிறார்கள். முதலமைச்சர், அமைச்சர்கள் ஊழலில் ஈடுபட்டுள்ளது குறித்த அனைத்து கோப்புகளும், மத்திய அரசிடம் உள்ளது. இதனால் ஆட்சி மாறும் மறுநாளே அவர்கள் அனைவரும் சிறைக்குச் செல்வது உறுதி" என்றார்.
இதையும் படிங்க:ஆட்சி முடிந்ததும் அதிமுக அமைச்சர்களுக்கு காவி டவுசர்’
