தமிழ்நாட்டில் 38 தொகுதிகளுக்கான மக்களவைத் தேர்தல் மற்றும் 18 தொகுதிகளுக்கான சட்டப்பேரவை இடைத்தேர்தல் நேற்றுடன் முடிவடைந்தது. இந்நிலையில் தென்காசி மக்களவைத் தேர்தலில் பயன்படுத்தப்பட்ட வாக்குப்பதிவு இயந்திரங்கள் வாக்கு எண்ணும் மையத்திற்கு கொண்டு வரப்பட்டது. பின்னர் வாக்கு எண்ணும் இடத்திற்கு 4 அடுக்கு போலீஸ் பாதுகாப்பு ஏற்பாடு செய்யப்பட்டுள்ளது.
மேலும், தென்காசி தொகுதியில் உள்ள 6 சட்டப்பேரவைத் தொகுதிகளுக்கும் தனிதனியே அறைகள் ஒதுக்கப்பட்டு வாக்குப்பதிவு இயந்திரங்கள் வைக்கப்பட்டுள்ளது. இதனையடுத்து, தேர்தல் கண்காணிப்பாளர் தலைமையில் மாவட்ட காவல் கண்காணிப்பாளர், தென்காசி காவல் துணை கண்காணிப்பாளர் மற்றும் அரசு அதிகாரிகள் முன்னிலையில் வாக்குப்பதிவு மையம் சீல் வைக்கப்பட்டது. மே.23ஆம் தேதி வாக்கு எண்ணிக்கையன்று மீண்டும் திறக்கப்படும் என்பது குறிப்பிடத்தக்கது.
