மனோன்மணியம் சுந்தரனார் பல்கலைக்கழக கல்லூரிகளுக்கு இடையேயான கபாடி போட்டி

திருநெல்வேலி: மனோன்மணியம் சுந்தரனார் பல்கலைக்கழக கல்லூரிகளுக்கிடையேயான கபாடி போட்டிக்கு 60க்கும் மேற்பட்ட கல்லூரிகளிலிருந்து ஏராளமான மாணவர்கள் பங்கேற்றனர்.

திருநெல்வேலி மாவட்டம் பாளையங்கோட்டை தூய சவேரியார் கல்லூரியில் மனோன்மணியம் சுந்தரனார் பல்கலைக்கழக கல்லூரிகளுக்கிடையேயான கபாடி போட்டி இன்று தொடங்கியது.

இந்தப் போட்டியில் திருநெல்வேலி, தூத்துக்குடி மாவட்டங்களிலிருந்து 60க்கும் மேற்பட்ட கல்லூரிகலிலிருந்து மாணவர்கள் கலந்து கொண்டனர்.

இதன் தொடக்க நிகழ்ச்சி தூய சவேரியார் கல்லூரியில் நடைபெற்றது. கல்லூரியின் முதல்வர் மரியதாஸ் வரவேற்புரை வழங்கி போட்டியை தொடங்கி வைத்தார். இன்று தொடங்கி நான்கு நாட்கள் போட்டி நடைபெறுகிறது. இந்தப் போட்டியில் வெற்றி பெறும் அணிகள் மாநில அளவில் நடைபெறும் போட்டிகளில் கலந்துகொள்ள தகுதிபெறும்.

மேலும் தேசிய அளவில் நடைபெறும் போட்டிகளிலும் சிறப்பாக விளையாடும் வீரர்களுக்கு வாய்ப்பு வழங்கப்படும் என்று தெரிவிக்கப்பட்டது.