நெல்லை மாவட்டம் பாளையங்கோட்டை- தூத்துக்குடி சாலையில் மாவட்ட நீதிமன்றம் அருகே காவல்துறையினர் வாகன தணிக்கையில் ஈடுபட்டிருந்தனர்.
அப்போது, இருசக்கர வாகனத்தில் வந்த இளைஞரை மடக்கி சோதனையிட்டபோது, அவரது பையில் 6 கிலோ கஞ்சா இருப்பது தெரிய வந்தது.
இதனையடுத்து கஞ்சாவை பறிமுதல் செய்த காவல்துறையினர், இளைஞரை கைது செய்தனர். அவரிடம் நடத்தப்பட்ட விசாரணையில், பாளையங்கோட்டை திம்மராஜபுரத்தை சேர்ந்த சங்கர் என்பதும், கஞ்சாவை மொத்தமாக வாங்கி வந்து விற்பனை செய்வதும் தெரியவந்தது.
இளைஞரை கைது செய்த காவல்துறையினருக்கு மாநகர காவல் துணை ஆணையர் சீனிவாசன் பாராட்டு தெரிவித்தார்.
கஞ்சா கடத்தலில் ஈடுபடுவர்கள் மீது குண்டர் சட்டம் பாயும் என்றும் அவர் எச்சரிக்கை விடுத்தார்.
