இடுக்கி: கேரள மாநிலம் இடுக்கி மாவட்டம் வண்டிப்பெரியார் புதுலயத்தைச் சேர்ந்தவர் யாகூப். இவரது வங்கி கணக்கில் பெற்றோர் புதிய வீடு கட்டுவதற்கு சுமார் 6 லட்சம் ரூபாயை போட்டு வைத்துள்ளனர். இந்நிலையில் யாகூப் ஆன்லைன் ரம்மி விளையாட்டில் ஈடுபட்டுள்ளார். இதன் மூலம் சுமார் ஓன்றரை லட்சம் ரூபாயை இழந்துள்ளார்.
இவரின் பக்கத்து வீட்டில் 3 பவுன் தங்க நகை திருடு போனது. இதனை விசாரிக்க வந்த போது மேலும் அங்கிருந்த 5 வீடுகளில் தங்க நகை திருடு போனது போலீசாருக்கு தெரியவந்தது. சந்தேகத்தின்பேரில் யாகூப் கைது செய்யப்பட்டார்.
விசாரணையில், ஆன்லைன் ரம்மியில் இழந்த ஓன்றரை லட்சம் ரூபாயை மீட்க திருட்டில் ஈடுபட்டுள்ளார். திருடிய நகைகளை வண்டிப்பெரியாரில் உள்ள பல்வேறு அடகு கடைகளில் விற்றது தெரியவந்தது. பின்னர் போலீசார் யாகூப்பை பீர்மேடு நீதிமன்றத்தில் ஆஜர்படுத்தி சிறையில் அடைத்தனர்.
இதையும் படிங்க: அடுத்த 4 நாட்களுக்கு கனமழைக்கு வாய்ப்பு
