நீலகிரி: தெப்பக்காடு வளர்ப்பு யானைகள் முகாமில் குடியரசு தின விழா சிறப்பாகக் கொண்டாடப்பட்டது.
நீலகிரி மாவட்டம் முதுமலை புலிகள் காப்பகத்திலுள்ள தெப்பக்காடு வளர்ப்பு யானைகள் முகாமில் குடியரசு தின விழா கொண்டாடப்பட்டது. 24 வளர்ப்பு யானைகள் தேசியக்கொடிகளுடன் அணிவகுத்து நிற்க, முதுமலை புலிகள் காப்பக துணை இயக்குநர் செண்பக பிரியா தேசியக்கொடியை அவிழ்த்து பறக்கவைத்தார்.
பார்வையிழந்தோருக்கான கைப்பந்து போட்டி: ஈரோடு அணி வெற்றி!
அப்போது வரிசையாக நின்ற வளர்ப்பு யானைகள் தும்பிக்கையை தூக்கி பிளிறி சத்தம் எழுப்பி தேசியக்கொடிக்கு மரியாதை செலுத்திய காட்சியை அங்கு கூடியிருந்த சுற்றுலாப் பயணிகள் ஆர்வத்துடன் கண்டுகளித்தனர்.
அதனைத் தொடர்ந்து கோவையில் இரண்டு காட்டு யானைகளைப் பிடிப்பதற்கு சிறப்பாகப் பணியாற்றிய முதுமலையைச் சேர்ந்த வனத் துறையினர், யானை பாகன்களுக்கு சான்றிதழ்களும், பரிசுப் பணமும் வழங்கப்பட்டன. இந்த நிகழ்ச்சியை வெளிநாட்டு சுற்றுலாப் பயணிகளும், நாட்டின் பல்வேறு பகுதிகளிலிருந்து வந்த சுற்றுலாப் பயணிகளும் கண்டு வியப்படைந்தனர்.
