தஞ்சை பெரிய கோயில் என்றழைக்கப்படும் பெருவுடையார் கோயிலில் சித்திரைப் பெருந்திருவிழா ஆண்டுதோறும் வெகு விமரிசையாகக் கொண்டாடப்படுவது வழக்கம். ஆனால் கடந்தாண்டு (2020) கரோனா பெருந்தொற்று பொதுமுடக்கம் காரணமாக சித்திரைப் பெருந்திருவிழாவும், தோரோட்டமும் நடைபெறவில்லை.
இக்கோயிலில் நிகழாண்டு சித்திரைப் பெருந்திருவிழா இன்று (ஏப். 9) காலை தொடங்கியது. அப்போது, மேளதாளங்கள் முழங்க கொடி ஏற்றப்பட்டது. ஆனால், ஏப்ரல் 23ஆம் தேதி நடைபெறவிருந்த தேரோட்டம் ரத்துசெய்யப்பட்டுள்ளது.
நூறு ஆண்டுகளுக்குப் பிறகு 2015ஆம் ஆண்டுமுதல் நடைபெற்றுவந்த தேரோட்டம் கரோனா பரவல் காரணமாக கடந்தாண்டும், நிகழாண்டும் ரத்துசெய்யப்பட்டுள்ளது.
கரோனா தொற்றுப் பரவல் அதிகரித்துவருவதால் நாளைமுதல் கோயில் திருவிழாக்களுக்கு அரசு தடைவிதித்துள்ளது. இருப்பினும், நிபந்தனைகளுக்குள்பட்டு புறப்பாடு உள்ளிட்ட வைபவங்களுக்கு அனுமதி அளிக்கப்பட்டுள்ளது குறிப்பிடத்தக்கது.
