தென்காசி மாவட்டம், அச்சன்புதூர் காவல்துறை சரகம் காசிதர்மம் பகுதியைச் சேர்ந்தவர் சுடலைமுத்து (60). அதே ஊரைச் சேர்ந்த இவரது அண்ணன் மகன் மாடசாமி. சுடலைமுத்துவிற்கும் மாடசாமிக்கும் இடையே சொத்துத் தகராறு இருந்து வந்துள்ளது.
இந்நிலையில் நேற்று (07-06-2020) மாடசாமி சுடலைமுத்துவிடம் தகராறு செய்துள்ளார். தகராறு முற்றிய நிலையில் மாடசாமி தான் மறைத்து வைத்திருந்த அரிவாளால் சுடலைமுத்துவை சரமாரியாக வெட்டியுள்ளார். இதில் சம்பவ இடத்திலேயே சுடலைமுத்து துடிதுடித்து உயிரிழந்தார். பின்னர் மாடசாமி உடனடியாக, அங்கிருந்து தப்பி ஓடிவிட்டார்.
மேலும் இச்சம்பவத்தை வழக்குப்பதிவு செய்த காவல் துறையினர், தப்பி ஓடிய மாடசாமியைத் தேடி வருகின்றனர். சொத்துக்காக தன் சித்தப்பாவை இளைஞர் கொன்றதால், இந்தச் சம்பவம் அப்பகுதியில் பெரும் பதற்றத்தை ஏற்படுத்தியுள்ளது.
இதையும் படிங்க: குடும்பச் சண்டையால் கணவனை அடித்துக்கொன்ற மனைவி
