தென்காசி: சங்கரன்கோவில் சம்சிகாபுரத்தைச் சேர்ந்தவர் கணேசன். இவருக்கு மாணிக்கவேல் (20), சங்கரேஸ்வரன் (19) என இரு மகன்கள் உள்ளனர். சகோதரர்கள் இருவரும் இருசக்கர வாகனத்தில் சம்சிகாபுரத்தில் இருந்து சங்கரன்கோவில் நோக்கி இன்று (மார்ச் 10) காலை ராஜபாளையம் சாலையில் சென்று கொண்டிருந்தனர்.
அப்போது எதிரே வந்த டெம்போ வேன் இருசக்கர வாகனத்தின் மீது மோதியது. இதில் நிலை தடுமாறிய வாகனம் கீழே விழுந்து விபத்துக்குள்ளானது. தொடர்ந்து அதிவேகமாக வந்த டிப்பர் லாரி கீழே விழுந்த சகோதரர்கள் மீது ஏறி இறங்கியது. இதில் பலத்த காயமடைந்த இருவரும் சம்பவ இடத்திலே உயிரிழந்தனர்.
இது குறித்து தகவலறிந்து சம்பவ இடத்திற்கு சென்ற காவல் துறையினர் சகோதரர்களின் உடல்களை மீட்டு உடற்கூராய்விக்காக சங்கரன்கோவில் அரசு மருத்துவமனைக்கு அனுப்பி வைத்தனர்.
இதையும் படிங்க: கரூரில் பட்டியல் இன குடும்பத்தினரை மண்டியிடவைத்து தாக்குதல் - ஒருவர் கைது
