சேலம் வீரபாண்டியார் நகரில் நூற்றுக்கும் மேற்பட்ட செல்ஃபோன் கடைகளும், அதன் உதிரி பாக கடைகளும் உள்ளன. இந்த கடைகளில் கூட்ட நெரிசலைப் பயன்படுத்தி செல்ஃபோன், புளுடூத், செல்ஃபோன் உதிரி பொருட்கள் திருட்டு போனதாக பள்ளப்பட்டி காவல்நிலையத்தில் புகார் செய்யப்பட்டது.
இந்த நிலையில் வீரபாண்டியார் நகரில் செல்ஃபோன் கடை வைத்துள்ள ராம்தேவ் என்பவர், அவரது கடையில் நேற்று பொருள்கள் இருப்பு குறித்து கணக்கு எடுத்தார். அப்போது கடையில் இருந்த பல செல்ஃபோன்கள், உதிரிபாகங்கள், புளு டூத் காணாமல் போயிருந்தது கண்டு அதிர்ச்சி அடைந்தார்.
பின்னர் அவர் கடையில் பொருத்தப்பட்டுள்ள சிசிடிவி கேமராவைப் பார்த்தார். இதில் இரண்டு இளைஞர்கள் கடைக்குள் வந்து செல்ஃபோன் வாங்குவது போல பேரம் பேசி, கண் இமைக்கும் நேரத்தில் கடையில் இருந்த விலை உயர்ந்த புளுடூத்,செல்ஃபோன்கள், உதிரிப் பொருட்களை திருடி சென்றது தெரிய வந்தது.
பிறகு ராம்தேவ் இந்தத் திருட்டு குறித்து சேலம் பள்ளப்பட்டி காவல் நிலையத்தில் புகார் செய்தார். இது தொடர்பாக சிசிடிவி வீடியோ காட்சிகளில் இருந்த இரண்டு இளைஞர்களை காவல்துறையினர் தேடி வருகின்றனர்.
இதையும் படிங்க:
