ஆறு மணிநேரம் மின்வெட்டு - மக்கள் அவதி!

இராமநாதபுரம்: நகரப் பகுதிக்குள் மின் இணைப்பு துண்டிக்கப்பட்டதால் ஆறு மணி நேரத்திற்கு மேலாக மக்கள் கடும் சிரமத்திற்கு ஆளாகினர்.

இராமநாதபுரம் மாவட்டம், நகர் பகுதியில் அதிகாலை 5 மணியில் இருந்து மின் இணைப்பு துண்டிக்கப்பட்டதால், முதியவர்கள் முதல் குழந்தைகள் வரை மிகவு சிரமத்திற்கு ஆளாகினர். மின் இணைப்பு துண்டிப்பால் வீட்டு பெண்கள் செய்யக் கூடிய அத்தியாவசிய வேலைகள் தடைபட்டது.

இது குறித்து மின் வாரிய அலுவலர்களிடம் தொடர்பு கொண்டு கேட்டபோது, தூத்துக்குடியில் - காவனூர் வழியாக இராமநாதபுரத்திற்கு மின்சாரம் கொண்டு செல்லும் மின் உயர் கோபுரத்தில் வயர் இணைப்பு ஆர்.எஸ் மடை அருகே அறுந்து விழுந்ததால் மின் இணைப்பு துண்டிக்கப்பட்டது. மின் வாரிய ஊழியர்கள் இதனை சரி செய்யும் பணி முடிவடைந்த பினபு மின்சாரம் விநியோகிக்கப்பட்டது, என்றார்.