ராமநாதபுரம் மாவட்டம் ராமேஸ்வரம் காட்டுப்பிள்ளையார் கோயில் தெருவைச் சேர்ந்தவர் மலைராஜன் (55). கூலித்தொழிலாளியான இவர், தனது மகன் இளையராஜா (7) மற்றும் குடும்பத்துடன் சுடுகாட்டன்பட்டியில் வசித்துவந்தார். இந்நிலையில், மலைராஜனுக்கும், அவரது மனைவி மாரீஸ்வரிக்கும் இடையே அடிக்கடி தகராறு ஏற்படுவது வழக்கம்.
இதனால் அடிக்கடி வீட்டைவிட்டு வெளியேறும் மலைராஜன், மகன் இளையராஜாவையும் உடன் அழைத்துச் செல்வார். உறவினர்கள் வீட்டில் ஒரு சில நாள்கள் தங்கிவிட்டு மீண்டும் வீடு திரும்புவார். இந்நிலையில், மனைவியிடன் கடந்த சில நாள்களுக்கு முன் ஏற்பட்ட தகராறில் மகனுடன், மலைராஜன் வீட்டைவிட்டு வெளியேறியுள்ளார்.
இந்நிலையில், இருவரின் உடல்கள் சுடுகாட்டன்பட்டி தரவை அருகே தண்ணீரில் மிதந்துள்ளன. இதுகுறித்து தகவலறிந்த ராமேஸ்வரம் காவல் துறையினர், இருவரின் உடல்களையும் மீட்டனர். இறப்பிற்கான காரணம் குறித்து வழக்குப்பதிவு செய்து விசாரித்து வருகின்றனர்.
இதையும் படிங்க: தருமபுரியில் ஒரே குடும்பத்தைச் சேர்ந்த 11 பேர் தீக்குளிக்க முயற்சி
