உள்ளாட்சித் தேர்தல்: அதிமுக முன்னாள் எம்.பி.யின் மகன், மகள் தோல்வி!

ராமநாதபுரம்: உள்ளாட்சித் தேர்தலில் போட்டியிட்ட அதிமுக முன்னாள் எம்.பி. அன்வர் ராஜாவின் மகன், மகள் ஆகியோர் தோல்வியடைந்தனர்.

ராமநாதபுரம் மாவட்டத்தில் உள்ள 11 ஒன்றியங்களில் மூவாயிரத்து 691 உள்ளாட்சிப் பிரதிநிதிகளுக்கான தேர்தல் 2019 டிசம்பர் 27, 30 ஆகிய தேதிகளில் இரண்டு கட்டங்களாக நடைபெற்றது. இதற்கான வாக்கு எண்ணிக்கை நேற்று நடைபெற்ற நிலையில் 11 ஒன்றியங்களில் பெரும்பாலான இடங்களை திமுக கூட்டணி கைப்பற்றியுள்ளது.

குறிப்பாக அதிமுக முன்னாள் எம்.பி. அன்வர் ராஜாவின் மகள் ராவியத்துல் அதரியா மண்டபம் ஒன்றியம் இரண்டாவது வார்டில் போட்டியிட்டார். இவர் ஆயிரத்து 343 வாக்குகள் பெற்றார். இவரைவிட திமுக சார்பில் போட்டியிட்ட சுப்புலட்சுமி ஆயிரத்து 62 வாக்குகள் அதிகம் பெற்று வெற்றிபெற்றார்.

அதேபோல், மண்டபம் ஒன்றியம் 16ஆவது வார்டில் போட்டியிட்ட அன்வர் ராஜாவின் மகன் நாசர் அலி 985 வாக்குகள் பெற்றார். இவரைவிட திமுக சார்பில் போட்டியிட்ட தவ்பீக் அலி 983 வாக்குகள் அதிகம் பெற்று வெற்றிபெற்றார்.

இதையும் படிங்க: உள்ளாட்சித் தேர்தல்: பெரம்பலூரில் அதிக இடங்களைக் கைப்பற்றிய திமுக