புதுக்கோட்டையில் செய்தியாளர்களை சந்தித்து பேசிய காங்கிரஸ் மூத்த தலைவர் ப.சிதம்பரம், "அதிமுக - பாஜக கூட்டணி என என்று முடிவானதோ அன்றே திமுக கூட்டணியின் வெற்றி உறுதியாகிவிட்டது. அரசியல் கட்சித் தலைவர்கள் மக்களை சந்திப்பது இயல்பு. அதே போன்றுதான் திமுக தலைவர் மு.க.ஸ்டாலின் மக்களை சந்தித்து வருகிறார்.
திமுக நடத்தும் மக்கள் கிராம சபை கூட்டத்தில் அதிமுகவினர் சர்ச்சையை உருவாக்குகின்றனர். விவசாயிகள் போராட்டம் இன்று 39 நாட்களாக தொடர்ந்து வருகிறது. இந்த போராட்டத்தில் இதுவரை 40 விவசாயிகள் இறந்துள்ளனர். ஆனால் மத்திய அரசு தனது பிடிவாதத்தை மாற்றிக்கொள்வதாக தெரியவில்லை.
பணமதிப்பிழப்பு சீன ஊடுருவல் தொடங்கி விவசாயிகள் போராட்டம்வரை மத்திய அரசு தனது பிடிவாதத்தை மாற்றிக்கொள்ளவில்லை. குடிமக்கள் சொன்னபடிதான் குடி ஆட்சி நடக்க வேண்டும். இந்த அரசுக்கு குடிமக்கள் கூறுவதும், நாடாளுமன்றமும், நாடாளுமன்ற விவாதமும் பெரிய பொருட்டில்லை. முரட்டுத்தனமான இயந்திரமாக பாஜக அரசு செயல்படுகிறது.
