பெரம்பலூர் மாவட்டம் குன்னம் வட்டம் வசிஷ்டபுரம் பகுதியில் லோகநாதன் என்பவருக்குச் சொந்தமான வயல் இருக்கிறது. அங்குள்ள மரமொன்றில், அகரம் சீகூர் கிராமத்தைச் சேர்ந்த வேலு என்பவரது மகன் ராஜா (29) தூக்குபோட்டு தற்கொலை செய்துகொண்டார்.
இன்று காலை வழக்கம்போல் தனது வயலுக்குச் சென்ற லோகநாதன், அங்கு தூக்கிட்டு ஒருவர் இறந்து கிடந்ததைப் பார்த்து அதிர்ச்சியடைந்துள்ளார். பின்பு, இது குறித்து காவல் துறையினருக்குத் தகவல் கொடுத்துள்ளார்.
சம்பவ இடத்திற்கு விரைந்துவந்த காவல் துறையினர் அங்கிருந்த உடலை மீட்டு உடற்கூறாய்வுக்காக அரசு மருத்துவமனைக்கு அனுப்பிவைத்தனர். மேலும், இந்தத் தற்கொலைக்கான காரணம் குறித்து விசாரணை நடத்திவருகின்றனர்.
இதையும் படிங்க : 2 குழந்தைகளை கிணற்றில் வீசி தாயும் தற்கொலை - கிருஷ்ணகிரி அருகே துயரச்சம்பவம்!
