பெரம்பலூர் மாவட்ட ஆட்சியர் அலுவலகத்தில் சர்வதேச மாற்றுத்திறனாளிகள் தினத்தை யொட்டி நலத்திட்ட உதவிகள் வழங்கும் விழா நடைபெற்றது. இந்நிகழ்ச்சியில் மாவட்ட ஆட்சியர் ஸ்ரீ வெங்கட பிரியா, சட்டப்பேரவை உறுப்பினர் தமிழ்ச்செல்வன் ஆகியோர் கலந்துகொண்டனர்.
தொடர்ந்து 18 மாற்றுத்திறனாளிகளுக்கு 4 லட்சத்து 9 ஆயிரத்து 599 ரூபாய் மதிப்பிலான நலத்திட்ட உதவிகளையும் முதலமைச்சர் பொது நிவாரண நிதியிலிருந்து நான்கு குடும்பங்களுக்கு 4 லட்சத்து 97 ஆயிரத்து 500 மதிப்பிலான நலத்திட்ட உதவிகளையும் வழங்கினார்.
மேலும் சமூக பாதுகாப்பு திட்டத்தின் கீழ் மாற்றுத்திறனாளிகள் மூன்று நபர்களுக்கு மாதாந்திர ஓய்வூதியம் வழங்குவதற்கான ஆணையை வழங்கினர். இந்நிகழ்ச்சியில் பொதுமக்கள், மாற்றுத்திறனாளிகள் அரசு அலுவலர்கள் என பலர் கலந்துகொண்டனர்.
