பெரம்பலூர் மாவட்டம் விவசாயத்தை முதன்மையாகக் கொண்டது. இங்கு பருத்தி, மக்காச்சோளம், சின்ன வெங்காயம் உள்ளிட்ட பயிர்கள் அதிகளவு சாகுபடி செய்யப்படுகின்றன.
இதனிடையே, முன்பெல்லாம் வனப்பகுதிகளில் மட்டுமே காணப்படும் மயில்கள் தற்போது இரைதேடி விவசாய நிலங்களுக்கும் குடியிருப்புப் பகுதிகளுக்கும் அதிகளவில் வருகின்றன. மேலும், தற்போது நிலவிவரும் வறட்சியான சூழ்நிலையில் தாங்கள் மிகுந்த சிரமப்பட்டு பயிரிட்ட பயிர்களை சேதப்படுத்தும் மயில்களிடமிருந்து காக்க விவசாய நிலங்களில் வேலி அமைத்து பாதுகாத்துவருகின்றனர்.
பெரம்பலூர் மாவட்டத்தில் அதிகரித்து வரும் மயில்கள்
எனவே மயில்களை பாதுகாக்கவும், பயிர்கள் சேதமாவதை தடுக்கவும் சரணாலயம் அமைக்க வேண்டும் என பெரம்பலூர் மாவட்ட மக்கள் கோரிக்கைவிடுத்துள்ளனர்.
