நாகப்பட்டினம் மாவட்டம் பூம்புகார் அருகே கீழப்பெரும்பள்ளம் நவகிரக ஸ்தலமான கேது கோயிலில், தமிழ்நாடு கால்நடைத்துறை அமைச்சர் உடுமலை ராதாகிருஷ்ணன் சிறப்பு யாகம் நடத்தினார். அவருக்கு கேது தோஷம் இருப்பதாக ஜோசியர் கூறியதால், ஏழு மணி நேரம் கோயிலில் இருந்து சிறப்பு யாகம் நடத்தினார். அப்போது, கைத்தறி அமைச்சர் ஓ.எஸ். மணியன், எம்எல்ஏக்கள் பவுன்ராஜ், ராதாகிருஷ்ணன் உள்ளிட்டோ உடனிருந்தனர்.
இதனிடையே, செய்தியாளர்களைச் சந்தித்து பேசிய அமைச்சர் உடுமலை ராதாகிருஷ்ணன், தமிழ்நாட்டு மக்களின் நலன் கருதி அரசு கேபிள் கட்டணம் குறைக்கப்பட்டுள்ளது. அரசு கேபிள் செட்டாப் பாக்ஸ் கேட்கும் பொதுமக்களுக்கு, அந்த பகுதியைச் சேர்ந்த கேபிள் ஆபரேட்டர்கள் உடனடியாக வழங்க வேண்டும்.
செட்டாப் பாக்ஸ் வழங்க மறுக்கும் ஆபரேட்டர்கள் மீது உரிய நடவடிக்கை எடுக்கப்படும் என்றும், கேபிள் டிவி குறித்து பொதுமக்கள் புகார் அளிக்க இலவச எண் வழங்கப்பட்டுள்ளது என்றும் தெரிவித்தார்.
