செகந்திராபாத் - ராமநாதபுரம் சிறப்பு ரயில் சேவையை நீட்டித்த தெற்கு ரயில்வே!

Ramanathapuram to Secunderabad Special fare train: செகந்திராபாத் - ராமநாதபுரம் இடையேயான சிறப்பு விரைவு ரயில்களின் சேவையை மேலும் ஒரு மாத காலத்திற்கு நீட்டித்து தெற்கு ரயில்வே அறிவித்துள்ளது.

மதுரை: தெலங்கானா மாநிலம் செகந்திராபாத் - ராமநாதபுரம் ரயில் நிலையங்கள் இடையே இயங்கிவரும் வாராந்திர சிறப்பு ரயில் ஆகஸ்ட் மாதம் இறுதி வாரம் வரை இயக்கப்படும் என ஏற்கனவே அறிவிக்கப்பட்டு இருந்தது. தற்போது இந்த ரயில்களின் சேவை செப்டம்பர் மாத இறுதி வரை நீட்டிக்கப்படுவதாக தெற்கு ரயில்வே அறிவித்துள்ளது.

அதன்படி செகந்திராபாத் - இராமநாதபுரம் சிறப்பு ரயில் (07695) செப்டம்பர் 6, 13, 20, 27 ஆகிய புதன்கிழமைகளில் செகந்திராபாத்தில் இருந்து இரவு 09.10 மணிக்கு புறப்பட்டு மறுநாள் இரவு 11.45 மணிக்கு இராமநாதபுரம் வந்து சேரும். மறு மார்க்கத்தில் ராமநாதபுரம் - செகந்திராபாத் சிறப்பு ரயில் (07696) செப்டம்பர் 8, 15, 22, 29 ஆகிய வெள்ளிக்கிழமைகளில் ராமநாதபுரத்தில் இருந்து காலை 09.50 மணிக்கு புறப்பட்டு மறுநாள் மதியம் 12.50 மணிக்கு செகந்திராபாத் சென்று சேரும்.

இந்த ரயில்கள் நலகொண்டா, மிரியால் குடா, சட்டெனப்பள்ளி, குண்டூர், தெனாலி, பாபட்லா, ஓங்கோல், காவாலி, நெல்லூர், கூடூர், சென்னை எழும்பூர், செங்கல்பட்டு, விழுப்புரம், திருப்பாதிரிப்புலியூர், சிதம்பரம், சீர்காழி, மயிலாடுதுறை, திருவாரூர், திருத்துறைப்பூண்டி, அதிராம்பட்டினம், பட்டுக்கோட்டை, அறந்தாங்கி, காரைக்குடி, சிவகங்கை, மானாமதுரை ஆகிய ரயில் நிலையங்களில் நின்று செல்லும். இந்த ரயில்களுக்கான பயணச் சீட்டு முன்பதிவு தற்போது நடைபெற்று வருகிறது என தெற்கு ரயில்வே தெரிவித்துள்ளது.