மதுரை மாவட்டம் வில்லாபுரம் அருகே உள்ள தனியார் பள்ளியில், 6 மாணவர்கள் ரோலர் ஸ்கேட்டிங் பிரிவில் 50 கிலோ மீட்டர் தூரத்தை 2 மணி நேரத்தில் கடந்து சாதனை புரிந்தனர். இந்த போட்டியில் ராகுல் அரவிந்த (13), லோக சங்கர் (11), சர்மி (13), கவுதம் கிருஷ்ணா (11), யோகீத் (7), சந்தோஷ் (7) ஆகியோர் பங்கேற்றனர். இவர்களில் ராகுல், லோக சங்கர், சர்மி ஆகியோர் மாநில அளவிலான போட்டிகளிலும், அபுதாபியில் நடைபெற்ற போட்டிகளிலும் பங்கேற்று பதக்கங்களை வென்றுள்ளனர்.
இந்த நிகழ்வை பள்ளியின் தாளாளர், நோபல் வேர்ல்டு ரெக்கார்ட்ஸ் நிர்வாகி ஆகியோர் தொடக்கி வைத்தனர். ராஜன் பள்ளி மைதானத்தில் நடைபெற்ற இந்த நிகழ்வில், மாணவர்கள் 2 மணி நேரத்தில் 864 லாப்கள் (laps) ஸ்கேட்டிங் செய்து சாதனை புரிந்தனர். பின்னர் அதற்கான சான்றிதழ்களும், பதக்கங்களும் வழங்கப்பட்டன.
இதையும் படிங்க: ஐந்து வயதில் சிலம்பம் சுழற்றும் சாதனை சிறுமி!
