நாட்டின் 74ஆவது சுதந்திர தினம் நாளை (ஆகஸ்ட் 15) கொண்டாடப்பட உள்ள சூழலில், பாதுகாப்பு காரணங்களுக்காக முக்கிய இடங்களில் பலத்த பாதுகாப்பு ஏற்பாடு செய்யப்பட்டுள்ளது. இதன் ஒரு பகுதியாக, மதுரை விமான நிலையத்தில் ஐந்து அடுக்கு பாதுகாப்பு ஏற்பாடு செய்யப்பட்டு, மத்திய தொழில் பாதுகாப்பு படையினர் விமான நிலைய வளாகத்தில் துப்பாக்கி ஏந்தி ரோந்து பணியில் ஈடுபட்டு வருகின்றனர்.
மேலும், பாதுகாப்பு பணிக்காக இன்று (ஆகஸ்ட் 14) இரவு முதல் கூடுதலாக மத்திய தொழில் பாதுகாப்பு படை வீரர்கள் விமான நிலையம் முழுவதும் பாதுகாப்பு பணியில் ஈடுபடவுள்ளனர். இதனால், பயணிகளுடன் வருபவர்கள் விமான நிலையம் செல்ல அனுமதி அளிக்கப்படாமல் தடை நீடிக்கும் என கூறப்படுகிறது.
