கிருஷ்ணகிரி மாவட்டம் கும்மனூர் பகுதியைச் சேர்ந்த இந்திய ராணுவ வீரா் N. சந்தோஷ். இவர் அருணாச்சலப் பிரதேச எல்லையில் கடந்த 8ஆம் தேதி ராணுவ ரோந்து வாகனத்தில் பணியில் ஈடுபட்டிருந்த போது பனிச் சரிவு ஏற்பட்டு, வாகனம் தலைகுப்புற கவிழ்ந்து விபத்து ஏற்பட்டது.
அப்போது, வாகனத்தில் இருந்த மூன்று ராணுவ வீரர்கள் உயிரிழந்ததாக கூறப்படுகிறது. இதில் கிருஷ்ணகிரியைச் சேர்ந்த ராணுவ வீரரும் அடக்கம். நேற்று நள்ளிரவு அவரது உடல் சொந்த ஊருக்கு கொண்டுவரப்பட்டது. மாவட்ட ஆட்சியர் பிரபாகர், உள்ளிட்ட அலுவலர்கள் மலர் வளையம் வைத்து மரியாதை செலுத்தினர். இதனை அடுத்து சுற்றி உள்ள கிராம பொதுமக்கள் அஞ்சலி செலுத்தினர். பின்னர் பெங்களூருவில் இருந்துவந்த 14 ராணுவ வீரர்கள் அடங்கிய குழுவினர் 42 குண்டுகள் முழங்க ராணுவ மரியாதை செலுத்திய பின்னர், அவரது உடல் எரியூட்டப் பட்டது.
இதையும் படிக்க: வெலிங்டன் ராணுவ முகாமில் 502 வீரர்கள் சத்தியப் பிரமாணம்..!
