தமிழ்நாடு முதலமைச்சரின் குடிமராமத்துத் திட்டத்தின் கீழ் கரூர் மாவட்ட ஊரக வளர்ச்சித் துறையின் மூலம் தாந்தோணி, கரூர் ஊராட்சி ஒன்றியத்திற்குள்பட்ட ஊராட்சிகளில் உள்ள குளங்கள் தூர்வாரும் பணியை கரூர் மாவட்ட ஆட்சியர் அன்பழகன் பார்வையிட்டு ஆய்வு செய்தார்.
இது குறித்து செய்தியாளர்களிடம் பேசியபோது, "கரூர் மாவட்டத்தில் மாவட்ட ஊரக வளர்ச்சித் துறையின் முகமை சார்பிலும் பொதுப்பணித் துறை சார்பிலும் நீர் வழித்தடங்கள் தூர்வாரப்பட்டு கரைகள் பலப்படுத்தும் பணிகள் பொதுப்பணித் துறையின் சார்பில் 33 பணிகள், ரூபாய் ஆறு கோடியே 87 லட்சம் மதிப்பீட்டில் நடைபெற்று முடிந்துள்ளது.
கரூர் மாவட்டத்தில் ஊராட்சி ஒன்றிய பகுதியில் உள்ள 67 சிறு பாசன குளங்கள், மூன்று கோடியே 35 லட்சம் மதிப்பீட்டில் தூர்வாரப்பட்டு கரைகள் பலப்படுத்தப்பட்டுள்ளன. மேலும், 365 குளங்களையும் ஊரணிகளையும் மேம்படுத்த தமிழ்நாடு முதலமைச்சர் ரூபாய் மூன்று கோடிய 67 லட்சம் நிதி ஒதுக்கீடு செய்யப்பட்டுள்ளது. இதில் 84 பணிகள் முழுவதுமாக முடிக்கப்பட்டுள்ளது. மீதமுள்ள பணிகள் தொடர்ந்து நடைபெற்றுவருவதாகக் கூறினார்.
மேலும், தற்போது பெய்துவரும் மழையால் குடிமராமத்துப் பணிகள் மேற்கொள்ளப்பட்ட குளங்களில் தொடர் மழையால் நீர் நிரம்பிவருகிறது. இது அப்பகுதி பொதுமக்களுக்கும் விவசாயிகளுக்கும் பெரும் மகிழ்ச்சியை ஏற்படுத்தியுள்ளது" எனத் தெரிவித்தார். இந்நிகழ்ச்சியில், கரூர் மாவட்ட ஊரக வளர்ச்சி திட்ட இயக்குநர் கவிதா உள்பட பல அலுவலர்கள் கலந்துகொண்டனர்.
இதையும் படிங்க : குளத்தைத் தூர்வாரிய காவலர்கள்; பொதுமக்களிடையே குவியும் பாராட்டுகள்!
