கரூர் மாவட்டம் தாந்தோன்றிமலை பகுதியை சேர்ந்தவர் கணேசன். இவர் ஜவகர் பஜார் கடை வீதியில் சாலையோரம் துணி கடை ஒன்றை நடத்தி வருகிறார். இவரை சாலையோரத்தில் துணிக் கடை அமைக்க விடாமல் சிலர் துன்புறுத்தி வந்துள்ளனர்.
இதுகுறித்து கணேசன் காவல் நிலையத்தில் புகார் அளித்தார். ஆனால் எந்த ஒரு நடவடிக்கையும் எடுக்கப்படவில்லை எனத் தெரிகிறது. இதனால் மாவட்ட ஆட்சியர் அலுவலகத்தில் கணேசன் மண்ணெண்ணெய் ஊற்றி தீக்குளிக்க முயன்றார்.
அப்போது அங்கு பாதுகாப்பு பணியில் இருந்த காவல் துறையினர், அவரை தடுத்து நிறுத்தி காப்பாற்றினர். பின்னர் விசாணைக்காக காவல் நிலையம் அழைத்துச் சென்றனர்.
இதையும் படிங்க: மாற்றுத்திறனாளி தற்கொலை முயற்சி - காரணம் என்ன?
