கன்னியாகுமரி: அருமனை அருகே மேலத்தெரு பகுதியில் இறைச்சிக்கடை ஒன்று செயல்பட்டு வருகிறது. இந்தக் கடையில் பணிபுரியும் ஊழியர் ஒருவர் நேற்றிரவு (அக்.29) கடைக்குச்சென்று கடையின் வெளியே வாகனத்தை நிறுத்தி வைத்துள்ளார்.
பின்னர், தனது வேலை முடிந்து இன்று (அக்.30) விடியற்காலை தனது இருசக்கர வாகனத்தை எடுக்க வரும்போது தான் நிறுத்தி இருந்த இடத்தில் இருந்த இருசக்கர வாகனம் மாயமானது. இதனைக்கண்டு அதிர்ச்சியடைந்த அந்த நபர், அருகில் உள்ள சிசிடிவி கேமரா காட்சிகளை ஆய்வுசெய்தார்.
அப்போது, நள்ளிரவு நேரத்தில் ஒரு இருசக்கர வாகனத்தில் வந்த மூன்று பேர், இருசக்கர வாகனத்தைத் திருடிச் செல்லும் காட்சிகள் பதிவாகி இருந்தன. இது சம்பந்தமாக அவர் அருமனை காவல் நிலையத்தில் புகார் அளித்தார். புகாரின் பேரில் வழக்குப்பதிவு செய்த காவல் துறையினர், சிசிடிவி காட்சி உதவியுடன் வாகனத்தை திருடிச் சென்றவர்களைத் தேடி வருகின்றனர்.
இதையும் படிங்க: தோட்ட காவலாளி மீது துப்பாக்கிச்சூடு - பழனியில் பயங்கரம்
