கன்னியாகுமரி மாவட்டம், தென்கரை பகுதியில் உள்ள முத்தாரம்மன் கோயில் திருவிழாவில் பாஜக தேசிய செயலாளர் ஹெச்.ராஜா பங்கேற்றார். அப்போது செய்தியாளர்களிடம் பேசுகையில், டெல்லி மாணவர்களின் வாய்ப்பை தமிழ்நாட்டு மாணவர்கள் பறிப்பதாக அரவிந்த் கெஜ்ரிவால் கூறியது தொடர்பாக ஸ்டாலின் ஏன் வாய் திறக்கவில்லை எனக் கேள்வி எழுப்பினர்.
அதிமுக, பாஜக குறித்து குறைகூறும் ஸ்டாலின் இரண்டரை ஆண்டுகளாக மன நோயால் பாதிக்கப்பட்டவர் போல் உளறுவதாக ஹெச்.ராஜா விமர்சனம் செய்தார். தேசிய அளவில் மன நோயாளி போல உளறும் ராகுலை, பிரதமர் மோடி ஒரே ஒரு முறை திருடன் மகன் என்று கூறியதில் தவறில்லை எனக் கூறினார்.
ஹெச். ராஜா பேட்டி
அத்வானி இன்றும் பாஜகவின் தந்தை எனவும், மன நோயால் பிதற்றிவரும் ராகுலின் குடும்பம்தான் திருட்டுக் களவாணி குடும்பம் எனவும் பரபரப்புக் குற்றச்சாட்டை ஹெச். ராஜா வைத்துள்ளார்.
