கரோனா வைரஸ் உலகம் முழுவதும் பரவி பல்லாயிரக்கணக்கானோர் உயிரிழந்துள்ளனர். தற்போது தமிழ்நாட்டிலும் இதன் தாக்கம் அதிகரித்து வருகிறது. இதனைத் தடுக்க மத்திய, மாநில அரசுகள் பல்வேறு நடவடிக்கைகளை எடுத்து வருகின்றன.
அதன்படி, தற்போது பல்வேறு தளர்வுகளுடன் ஊரடங்கு அமலில் உள்ளது. இந்த ஊரடங்கு காரணமாக வேலைக்கு செல்ல முடியாமல் உணவில்லாமல் கூலி வேலை செய்யும் மக்கள் தவித்து வருகின்றனர்.
இந்நிலையில் கன்னியாகுமரி மாவட்டம் சுசீந்திரம் பகுதியைச் சேர்ந்த தினக்கூலி வேலை செய்யும் ஏழைகள் சுமார் 500க்கும் மேற்பட்டோர்களை கணக்கெடுத்து அவர்களுக்கு ஒரு மாதத்திற்கு தேவையான அரிசி, எண்ணெய், மளிகை பொருள்கள் போன்ற அத்தியாவசியப் பொருள்களை கன்னியாகுமரி சட்டமன்ற உறுப்பினர் ஆஸ்டின் வழங்கினார்.
