கன்னியாகுமரி மாவட்டம் ஆண்டிதோப்பு, உச்சம்பறை பகுதியைச் சேர்ந்தவர் மாரிமுத்து. இவருக்கு ஐந்து மாதங்களில் ஆண் குழந்தை ஒன்று உள்ளது.
இக்குழந்தைக்கு அவரின் தாய் நேற்று இரவு தாய்பால் கொடுத்துள்ளார். ஆனால், இரவு நேரம் என்பதால் குழுந்தை சரியாக பால் குடிக்கவில்லை என்று தெரிகிறது. இதானல் வயிற்று பசி காரணமாக இன்று காலை தாயிடம் குழந்தை அவசர அவசரமாக பால் குடித்தபோது, குழந்தைக்கு புரையேறி மூச்சு திணறல் ஏற்பட்டுள்ளது.
இதனால் அதிர்ச்சியடைந்த பெற்றோர் குழந்தையை உடனடியாக எடுத்துக் கொண்டு மருத்துவமனைக்குச் சென்றனர். ஆனால் குழந்தையை பரிசோதித்த மருத்துவர்கள், மூச்சுத் திணறி ஏற்கனவே குழந்தை இறந்துவிட்டதாகத் தெரிவித்துள்ளனர். இதனைக் கேட்ட குழந்தையின் பெற்றோர் கதறி அழுதனர். இதுகுறித்து காவல் துறையினர் வழக்குப்பதிவு செய்து விசாரணை நடத்தி வருகின்றனர்.
தாயிடம் பால் குடித்த ஐந்து மாத குழந்தை பரிதாபமாக உயிரிழந்த சம்பவம் அப்பகுதி மக்களிடையே சோகத்தை ஏற்படுத்தியுள்ளது.
இதையும் படிங்க: 'நீருக்காக சாலையைக் கடந்த புள்ளி மான்' - நொடியில் வாகனம் மோதி உயிர் பிரிந்த சோகம்!
