காஞ்சிபுரம் மாவட்டம் கூவத்தூரில் இருந்து வயலூருக்கு பள்ளி மாணவ மாணவிகளை ஏற்றி சென்ற ஆட்டோ, கார் மீது மோதி விபத்துக்குள்ளானது. இதில் காயமடைந்த மாணவ, மாணவிகளை அருகில் இருந்தவர்கள் மீட்டு கல்பாக்கம் அணுமின் நிலைய மருத்துவமனையில் சேர்த்தனர்
விபத்தில் நொருங்கிய கார்
ஆட்டோவில் மாணவர்கள், ஓட்டுனர் உட்பட 16 பேர் இருந்ததாகவும், காரில் 2 ஆண் 2 பெண் ஒரு குழந்தை இருந்ததாகவும் கூறப்படுகிறது. இந்த விபத்தில் காரில் இருந்தவர்களுக்கு சிறிய காயம் ஏற்பட்டது. சம்பவ இடத்திற்கு வந்த சதுரங்கப்பட்டினம் காவல்துறையினர், கார் ஓட்டுனர் மீது வழக்குப் பதிவு செய்து விசாரனை மேற்கொண்டு வருகின்றனர். மேலும், ஆட்டோ மீது கார் மோதிய விபத்தில் உயிர்சேதம் ஏதும் ஏற்படவில்லை என தெரிவிக்கப்பட்டது.
