வருகிற அக்டோபர் 11ஆம் தேதி சீன அதிபர் ஜி ஜின்பிங் தமிழ்நாடு வருகிறார். இங்கு வரும் அவரை இந்திய பிரதமர் நரேந்திர மோடி மாமல்லபுரத்தில் சந்திக்கவுள்ளார்.
அதற்கான ஏற்பாடுகள் தீவிரமாக நடைபெற்றுவரும் நிலையில், முன்னாள் மத்திய அமைச்சர் பொன். ராதாகிருஷ்னன், இரு தலைவர்களும் பார்வையிடும் அர்ஜுன் தபசு, ஐந்து ரதம், கடற்கரை கோவில் உள்ளிட்ட இடங்களை இன்று மேற்பார்வையிட்டார்.
பின்னர் செய்தியாளர்களை சந்தித்த அவர்,
'இந்தியாவுக்கும் சீனாவுக்கும் உள்ள நீண்ட நெடுங்கால நட்பை வலுப்படுத்தக்கூடிய வகையில் பிரதமர் மோடி சீனாவுக்கு முன்னதாக பயணம் செய்திருந்தார். அதனைத்தொடர்ந்து தற்போது, சீன அதிபர் இந்தியாவுக்கு வருகை தரவுள்ளார்.
அவர் வருகைக்குப் பிறகு இரு நாட்டின் கலாச்சார பண்பாடு, வணிகம், ராணுவம் சார்ந்த அனைத்தும் முன்னேற்றமடையும்.
மாமல்லபுரத்தில் அக்டோபர் 11, 12, 13 ஆகிய மூன்று தேதிகளிலும் இந்திய பிரதமர், சீன அதிபர் இருவரும் சந்திக்கின்றனர்.
மேலும், கடற்கரை கோவிலில் நடைபெறவுள்ள நிகழ்ச்சியில் தமிழர்களின் கலாச்சாரத்தை உணர்த்தக்கூடிய வகையில் வில்லுப்பாட்டு, கரகாட்டம், தெருக்கூத்து உள்ளிட்ட நிகழ்வுக்கு ஏற்பாடு செய்யப்பட்டுள்ளது' என்றார்.
இதையும் படிங்க:
சீன அதிபர், பிரதமர் மோடி வருகை - பலத்த பாதுகாப்பில் மாமல்லபுரம்
