தமிழ்நாடு சீருடைப் பணியாளர் தேர்வாணையம் மூலம் இன்று (டிச. 13) இரண்டாம் நிலைக் காவலர், சிறைக்காவலர், தீயணைப்பு மற்றும் மீட்புப் பணிகளுக்கான தேர்வுகள் பல்வேறு மையங்களில் நடைபெறுகிறது. அந்த வகையில் காஞ்சிபுரம் மாவட்டத்தில் இந்தத் தேர்வு பத்து மையங்களில் நடைபெறுகிறது.
இம்மையங்களில் 11 ஆயிரத்து 379 ஆண்கள், ஆயிரத்து 960 பெண்கள் என மொத்தம் 13 ஆயிரத்து 339 பேர் தேர்வு எழுதிவருகின்றனர். தேர்வு எழுத வருபவர்களை முழுமையாகச் சோதனையிட்டும், முகக் கவசங்கள், வெப்பமானி கொண்டு உடல் வெப்ப சோதனை மேற்கொண்ட பின்னரே தேர்வு மையங்களில் அனுமதிக்கப்படுகின்றனர்.
காஞ்சிபுரம் சரக டிஐஜி சாமுண்டீஸ்வரி தலைமையில் 500-க்கும் மேற்பட்ட காவல் துறையினர் தேர்வு மையங்களில் கண்காணிப்புப் பணியில் ஈடுபட்டுள்ளனர்.
இதையும் படிங்க: கிணற்றில் நீச்சல் பழகச் சென்ற சிறுவன் நீரில் மூழ்கி உயிரிழப்பு!
