திமுக தலைவர் ஸ்டாலினின் 67ஆவது பிறந்தநாளை திமுக தொண்டர்களும், கட்சி நிர்வாகிகளும் பொதுமக்களுக்கு இனிப்புகளை வழங்கி கொண்டாடி வருகின்றனர். அந்த வகையில், ஈரோடு மாவட்டம் கணக்கம்பாளையத்தில் திமுக கட்சி சார்பில், ஸ்டாலின் பிறந்தநாளை அக்கட்சியினர் கொண்டாடினர்.
அவரது பிறந்தநாளையொட்டி கலைஞர் கருணாநிதி அறக்கட்டளை மூலம் நடைபெறும் டிஎன்பிஎஸ்சி பயிற்சி வகுப்பு விழாவைத் தொடங்கி வைத்தனர். இதில், திமுக கட்சியின் ஈரோடு வடக்கு மாவட்ட செயலாளர் நல்லசிவம் கலந்துகொண்டு குத்துவிளக்கேற்றி பயிற்சி வகுப்பை தொடங்கிவைத்தார்.
பின்னர் நல்லசிவம் பேசுகையில், ”இந்த பயிற்சி வகுப்பிற்கு தற்போது வரை 300க்கும் மேற்பட்டவர்கள் விண்ணப்பித்துள்ளனர். விரைவில் இன்னும் இரண்டு பயிற்சி மையங்கள் தூக்கநாயக்கன்பாளையம் ஒன்றியத்திற்குட்பட்ட பகுதிகளில் அமைக்கப்படும்” எனத் தெரிவித்தார்.
மேலும், திமுக தலைவர் ஸ்டாலின் 67ஆவது பிறந்தநாளிற்காக 4 கிலோ எடை கொண்ட கேக்கை பயிற்சி வகுப்பிற்கு வந்த மாணவ, மாணவிகள் வெட்டி கொண்டாடி மகிழ்ந்தனர்.
இதையும் படிங்க: மாநிலங்களவைத் தேர்தல்: வேட்பாளர்களை அறிவித்த திமுக!
