நீலகிரி மாவட்டத்தில் பெய்து வரும் கனமழை காரணமாக கடந்த அக்டோபர் 14ஆம் தேதி முதல் 96 அடியாக இருந்த அணையின் நீர்மட்டம் மளமளவென உயர்ந்து இன்று 101 அடியை எட்டியுள்ளது.
அணையின் நீர்மட்டம் 102 அடியாக உயரும் போது உபரி நீர் பவானி ஆற்றில் திறந்துவிடப்படும் எனப் பொதுப்பணித்துறை அலுவலர்கள் தெரிவித்திருந்த நிலையில், அணையில் 85 அடி உயரத்திலுள்ள உபரிநீர் போக்கு மதகில், நீர்க்கசிவு ஏற்பட்டு வருகிறது.
இந்த நீர்க்கசிவினால் அணைக்கு எந்த பாதிப்பும் இல்லை எனவும், நாளை அணையின் நீர்மட்டம் 102 அடியாக உயரும் போது அணையிலிருந்து தண்ணீர் திறந்துவிடப்படும் எனவும் பொதுப்பணித்துறை அலுவலர்கள் தெரிவித்தனர்.
இதனால் பவானி ஆற்றின் கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது.
இன்று (அக்டோபர்-21) காலை 7 மணி நிலவரப்படி அணையின் நீர்மட்டம் 101 அடி, நீர் இருப்பு 29.49 டிஎம்சி, நீர்வரத்து 15ஆயிரத்து 11 கனஅடி, நீர் வெளியேற்றம் 2 ஆயிரம் கனஅடியாக உள்ளது.
அணை நீர்மட்டம் முழுக்கொள்ளளவை எட்டியுள்ளதால் அணையின் நீர்த்தேக்கப்பகுதி, கடல்போல காட்சியளிக்கிறது. இதனால் அணையின் மேல்பகுதிக்கு சுற்றுலாப் பயணிகள் அனுமதிக்கப்படுவதில்லை என்பது குறிப்பிடத்தக்கது.
இதையும் படிங்க: பவானிசாகர் அணையின் நீர்மட்டம் உயர்வு - மக்களுக்கு வெள்ள அபாய எச்சரிக்கை
