வாழைத்தோட்டத்தில் புகுந்து சேதப்படுத்திய ஒற்றை யானை - பட்டாசுகள் வெடித்து விரட்டிய வனத்துறையினர்

ஈரோடு: சத்தியமங்கலம் அருகே வாழைத்தோட்டத்தில் புகுந்து வாழை மரங்களைச் சேதப்படுத்திய ஒற்றை யானையை பட்டாசுகள் வெடித்து வனத்துறையினர் காட்டிற்குள் விரட்டியடித்தனர்.

ஈரோடு சத்தியமங்கலம் அருகேயுள்ள சித்தன்குட்டை கிராமத்தில் அதிக அளவில் வாழை பயிரிடப்பட்டுள்ளது. இந்நிலையில், சத்தியமங்கலம் வனப்பகுதியிலிருந்து வெளியேறிய மூர்த்தி என்ற காட்டுயானை வாழைத்தோட்டத்தில் புகுந்து வாழை மரங்களை சேதப்படுத்தியது.

இதனால், வாழை விவசாயிகள் உடனே வனத்துறைக்கு தகவல் தெரிவித்தனர். இதனையடுத்து அங்கு வந்த வனத்துறையினர் பட்டாசுகளை வெடித்தும், டிராக்டர் மூலம் ஒலியெழுப்பியும் யானையை காட்டிற்குள் விரட்ட முயற்சித்தனர்.

நீண்ட நேர போராட்டத்திற்குப் பிறகு ஒரு வழியாக யானையை வனப்பகுதிக்குள் விரட்டினர். யானையால் வாழைத்தோட்டம் சேதமடைந்துள்ளதால் நட்டம் ஏற்பட்டுள்ளதாக சித்தன்குட்டை விவசாயிகள் கவலை தெரிவித்தனர்.

இதையும் படிங்க: