கரோனா தீநுண்மியின் தாக்கம் நாளுக்கு நாள் அதிகரித்துவரும் நிலையில், மத்திய மாநில அரசுகள் ஊரடங்கினை நீட்டித்துள்ளன. இதனால் வேலையிழந்து, எந்தவித வருமானமுமின்றி மக்கள் மிகவும் பாதிக்கப்பட்டுள்ளதால் தங்களது அத்தியாவசிய தேவைகளுக்காக அரசை நம்பித்தான் இருக்கிறார்கள்.
இந்நிலையில் பல்வேறு கட்சிகள், தன்னார்வலர்கள் தங்களாலான உதவிகளை மக்களுக்குச் செய்துவருகின்றனர்.
வருமானமின்றி வாழும் மக்களுக்கு அமைச்சர் செங்கோட்டையன் நிவாரணப் பொருட்கள் வழங்கினார்
அந்தவகையில், சத்தியமங்கலம் அருகே உள்ள காவிலிபாளையம், கோப்பம்பாளையம், செல்லம்பாளையம், உள்ளிட்ட கிராமங்களில் வருமானமின்றி வாழும் மக்களுக்கு அரிசி, பருப்பு, சமையல் எண்ணெய் உள்ளிட்ட நிவாரணப் பொருள்கள் அதிமுக சார்பில் வழங்கும் நிகழ்ச்சி நடைபெற்றது.
