திண்டுக்கல் மாவட்டம், பழனி முருகன் கோயிலுக்கு சிவகங்கை நாடாளுமன்ற உறுப்பினர் கார்த்தி சிதம்பரம் தரிசனம் செய்ய வந்தார். முன்னதாக செய்தியாளர்களை சந்தித்து அவர் கூறுகையில், பாஜகவிற்கு பல மாநில கட்சிகள் நேரடியாகவும், மறைமுகமாகவும் ஆதரவை அளித்து வருகிறது. இதனால், பாஜக தன்னிச்சையாக எந்தவொரு முடிவையும் எடுக்கிறது. இவர்களின் சர்வாதிகாரப் போக்கை கண்டிக்கும், ஒரே கட்சியாக காங்கிரஸ் மட்டுமே இருந்து வருகிறது.
செய்தியாளர்களை சந்திக்கும் கார்த்தி சிதம்பரம்
மோடி தனது அடுத்தடுத்த நடவடிக்கைகளில் அதிகாரத்தை ஒற்றை புள்ளிக்கு கீழே வரும் வகையில் கட்டமைக்கிறார். இதனால் மத்திய அரசின் கட்டுப்பாட்டில் முழு அதிகாரமும் செல்லும் நிலை ஏற்பட்டு மாநில அரசுகளின் உரிமை பறிக்கப்படும். இனி வரும் காலங்களில் பாஜக இந்திய அரசியல் அமைப்புச் சட்டத்தை மாற்றி, அதிபர் தேர்தல் முறையை நடைமுறை செய்தாலும் ஆச்சரியப்படுவதற்கில்லை" என்றார்.
