திண்டுக்கல் மாவட்டம் கொடைக்கானலுக்குப் பல்வேறு பகுதிகளிலிருந்து ஏராலமான சுற்றுலாப் பயணிகள் வருகைதருவது வழக்கம், இந்நிலையில் இங்கு சுற்றுலா வரும் இளைஞர்களுக்கு சிலர் கஞ்சா, போதைக் காளான் ஆகியவற்றை விற்பனை செய்கின்றனர்.
தற்போது புதிதாக எல்.எஸ்.டி. என்ற போதை ஸ்டாம்புகள் விற்பனை செய்யப்பட்டு வருவதாக காவல் துறையினருக்கு ரகசிய தகவல் கிடைத்தது. இதனையடுத்து காவல் ஆய்வாளர் ராஜசேகர், துணைக் காவல் ஆய்வாளர் காதர்மைதீன் ஆகியோர் தலைமையிலான காவல் துறையினர் நேற்று இரவு கலையரங்கம் பகுதியில் சோதனை நடத்தினர்.
அப்போது கேரள மாநில இளைஞர்களுக்கு கஞ்சா, எல்.எஸ்.டி. ஸ்டாம்புகளை விற்பனை செய்து கொண்டிருந்தவரைப் பிடித்து விசாரணை நடத்தியதில் அவர் புதுக்காட்டையைச் சேர்ந்த சதீஸ் (30) என்பதும் அவர் பல நாள்களாக இத்தொழிலில் ஈடுபட்டு வந்ததும் தெரியவந்தது.
இதனிடையே அவரிடமிருந்து சுமார் ஒரு கிலோ கஞ்சா, போதை ஸ்டாம்புகளை பறிமுதல் செய்த காவல் துறையினர், அவரிடம் விசாரணை மேற்கொண்டு வருகின்றனர்.
இதையும் படிங்க: புதுக்கோட்டை, ரூ.2 லட்சம் புகையிலை, நெகிழி பொருள்கள் பறிமுதல்!
