சுற்றுலாத் துறை சார்பில் கொண்டாடப்பட்ட பொங்கல் விழா!

திண்டுக்கல்: பொங்கல் பண்டிகையை முன்னிட்டு கொடைக்கானலில் சுற்றுலாத் துறை சார்பில் பொங்கல் விழா கொண்டாட்டப்பட்டது.

பொங்கல் பண்டிகையை முன்னிட்டு கொடைக்கானலுக்கு தமிழ்நாடு மட்டுமின்றி வெளிநாடுகளிலிருந்தும் சுற்றுலாப் பயணிகள் அதிகளவில் வருகைதருகின்றனர். இந்நிலையில் கொடைக்கானலில் சுற்றுலாத் துறையின் சார்பில் வட்டக்கானல் பகுதியில் பொங்கல் விழா கொண்டாடப்பட்டது.

இந்நிகழ்ச்சியில் கோட்டாட்சியர் சுரேந்திரன் வெளிநாட்டு சுற்றுலாப் பயணிகளுக்கு மாலை அணிவித்து வரவேற்றார். இதையடுத்து வெளிநாட்டினரும் பொதுமக்களுடன் இணைந்து மண்பானையில் பொங்கல்வைத்து வழிபட்டனர்.