பனியிலிருந்து மலர்களைப் பாதுகாக்க போர்த்தப்பட்ட பச்சைக் கம்பளம்!

திண்டுக்கல்: தொடரும் கடும் பனியால் கொடைக்கானல் பிரையண்ட் பூங்காவில் கோடை சீசனுக்காக நடவு செய்யப்பட்டுள்ள செடிகளுக்கு பச்சைக் கம்பளம் விரித்து பராமரிக்கப்படுகிறது.

திண்டுக்கல் மாவட்டம், கொடைக்கானலில் ஆண்டுதோறும் கோடை சீசனுக்காக பிரையண்ட் பூங்காவில் பல வகையான வண்ண மலர்கள் நடுவது வழக்கம்.

அதன்படியே வருகின்ற கோடை சீசனுக்காக மேரி கோல்ட், ஆஸ்ட்ரஸ், அஸ்டமேரியா போன்ற விதைகள் கொண்டுவரப்பட்டு, அதனை நடவு செய்யும் பணிகள் கடந்த 2 வாரங்களுக்கு முன்னர் ஆரம்பமாகியது.

தற்போது நடவு பணி முடிந்த நிலையில் கொடைக்கானலில் மாலை நேரங்களில் கடும் பனிப்பொழிவு நிலவி வருவதால், பனியிலிருந்து அம்மலர்களை பாதுகாப்பதற்காக பச்சைக் கம்பளம் விரித்து பாதுகாத்து வருகின்றனர்.

மேலும் டிசம்பர் மற்றும் ஜனவரி மாதங்களில் பனிப்பொழிவு அதிகரிக்க வாய்ப்புள்ளதால், மலர்களைப் பாதுகாக்க பல்வேறு முன்னெச்சரிக்கை நடவடிக்கைகள் மேற்கொள்ளப்பட உள்ளதாகக் கூறப்படுகிறது.

இதையும் படிங்க;