தருமபுரி: தொப்பூர் அருகே கருக்கானூர் கிராமத்தில் வயல் வெளியில் மலைப்பாம்பு ஒன்று கோழியை விழுங்கி மயக்க நிலையில் இருந்தது. இதனை கண்ட நிலத்தின் உரிமையாளர் கண்ணப்பன் அந்த மலைப்பாம்பை பிடிக்க தருமபுரி வனத் துறையினருக்கு தகவல் தெரிவித்துள்ளார்.
ஆனால் வனத்துறையினர் நீண்ட நேரமாகியும் வரவில்லை. இதனையடுத்து கண்ணப்பன் தனது நண்பர்கள் உதவியுடன் மலைப் பாம்பை பிடித்து சாக்குபையில் அடைத்து வைத்து வனத் துறையினருக்காக காத்திருந்துள்ளார்.
ஆனால் வனத்துறையினர் நீண்ட நேரமாகியும் தருமபுரியிலிருந்து வனத்துறையினர் வராததால், பிடித்த மலைப் பாம்பை ஒரு கோணிப்பையில் வைத்து கட்டி கொண்டு, தனது நண்பர் வடிவேலுடன், கண்ணப்பன் தருமபுரி மாவட்ட ஆட்சியர் அலுவலகத்திற்கு எடுத்து வந்தார்.
பின்னர் மாவட்ட ஆட்சியர் அலுவலகம் வந்த வனத் துறையினரிடம் ஆறரை அடி நீளம் கொண்ட மலைப்பாம்பை இளைஞர் கண்ணப்பன் ஒப்படைத்தார். இதனை பெற்றுக் கொண்ட, வனத்துறையினர் மாலைப் பாம்பை தொப்பூர் வனப் பகுதியில் பாதுகாப்பாக விடுவித்தனர்.
தொடர்ந்து வயலில் மயங்கி கிடந்த மலைப் பாம்பை பிடிக்க வனத்துறையின் வராததால், இளைஞரே பிடித்து வனத் துறையினரிடம் ஒப்படைத்தது குறிப்பிடத்தக்கது.
இதையும் படிங்க:தடையை மீறி ஆன்லைன் சூதாட்டம் நடத்தினால் சிறை : மசோதா நிறைவேறியது !
