ஓரினசேர்க்கைக்கு அழைத்து இளைஞர் கொலை: மூவர் கைது

தருமபுரி: ஓரினசோ்க்கைக்கு அழைத்து இளைஞரை கொலை செய்த மூவரை, தருமபுரி ரயில்வே காவல்துறையினர் கைது செய்தனர்.

தருமபுரி மாவட்டம் சிவாடி ரயில் நிலையம் அருகே உள்ள ரயில் பாதையில், கடந்த ஜூன் மாதம் 25ஆம் தேதி இளைஞர் ஒருவர் சடலமாக கண்டெடுக்கப்பட்டார்.

இது தொடர்பாக தருமபுரி ரயில்வே காவல்துறையினர் மேற்கொண்ட விசாரணையில், காரிமங்கலதைச் சேர்ந்த ராமச்சந்திரன் மகன் சசிக்குமார்(29) என தெரியவந்தது. இவர் வைத்திருந்த லேப்டாப், மொபைல் போன் ஆகியவை காணாமல் போனதால் உயிரிழப்பில் மர்மம் நிலவுவதாக உறவினர்கள் புகார் அளித்தனர்.

இதனையடுத்து சசிகுமார் இறப்பு தொடர்பாக ரயில்வே காவல்துறையினர் தீவிர விசாரணை மேற்கொண்டனர். அப்போது, சசிக்குமார் பயன்படுத்தி வந்த மொபைல் போன், ஈரோடு மாவட்டம் பவானியில் பயன்படுத்தப்படுவது தெரியவந்தது. தொடர் விசாரணையில், பவானி குருப்ப நாயக்கன்பாளையம் பகுதியைச் சேர்ந்த ராமசாமி(23) என்பவரிடம் அந்த மொபைல் போன் இருப்பது உறுதி செய்யப்பட்டது.

அதன்பின், அவரை பிடித்து போலீஸார் விசாராணை நடத்தினர். அப்போது, கடந்த மாதம் 24ஆம் தேதி ஓசூர் நீதிமன்றத்தில் வழக்கு ஒன்றில் ஆஜரான விஜய் ராமசாமி, தருமபுரி மாவட்டம் இண்டூர் சென்றுள்ளார். அங்கு உறவினர்கள் சசிகுமார், கார்த்திக் ஆகியோருடன் இணைந்து காரிமங்கலத்தைச் சேர்ந்த சசிக்குமாரை ஓரினச் சேர்க்கைக்கு அழைத்துள்ளார்.

ஆனால், அதற்கு சசிக்குமார் மறுப்பு தெரிவித்ததால், அவரை தாக்கி ரயில் தண்டவாளத்தில் வைத்து மூவரும் கொலை செய்துள்ளனர்.

பின் அவரிடம் இருந்த லேப்டாப், மொபைல் போன் ஆகிய பொருட்களை திருடி மூவரும் தலைமறைவாகினர்.

இதையடுத்து சசிகுமார், கார்த்திக் உள்ளிட்டோரை கைது செய்த ரயில்வே காவல்துறையினர், தருமபுரி முதலாவது குற்றவியல் நடுவர் நீதிமன்றத்தில் ஆஜர்படுத்தி சிறையில் அடைத்தனர்