தருமபுரி அருகே உள்ள மாதே மங்கலம் கிராமத்தில் பார்த்தசாரதி - தாரணி என்பவர்களுக்கு கடந்த 10-ம் தேதி திருமணம் நடைபெற்றது. அதற்காக அவரது உறவினர்கள் விடுதலை சிறுத்தை கட்சியின் தலைவர் திருமாவளவன் படங்கள் உள்ளிட்ட திருமண வாழ்த்துப் பேனர்களை சாலையோரத்தில் வைத்திருந்தனர்.
அந்த பேனரை மூன்று பேர் சேர்ந்த மர்மகும்பல் கிழித்து விட்டதாகவும், அவர்கள்மீது நடவடிக்கை எடுக்க வேண்டும் எனவும் அதியமான் கோட்டை காவல் நிலையத்தில் அப்பகுதி மக்கள் புகார் கொடுத்தனர்.
ஆனால், புகாரை பெற்றுக்கொண்ட காவல் துறையினர் எவ்வித நடவடிக்கையும் எடுக்கவில்லை எனக் கூறப்படுகிறது.
இதனால், ஆத்திரமடைந்த ஒரு பிரிவினர் இன்று காலை மாதே மங்கலம் - மிட்டாரெட்டிஹெள்ளி சாலையில் வந்த அரசு பேருந்தை சிறைபிடித்து, பேனரை கிழித்தவர்களை உடனடியாக கைது செய்து, நடவடிக்கை எடுக்க வேண்டும் என சாலை மறியலில் ஈடுபட்டனர். இதனால் அப்பகுதியில் பரபரப்பு ஏற்பட்டது.
இதனையடுத்து தருமபுரி வட்டாட்சியர் ராதாகிருஷ்ணன், அதியமான் கோட்டை காவல் துறையினர் சம்பவ இடத்திற்கு சென்று பேச்சுவார்த்தையில் ஈடுபட்டனர்.
திருமாவளவன் பேனர் கிழிப்பு: தருமபுரியில் பரபரப்பு
தருமபுரி: மாதே மங்கலத்தில் விடுதலை சிறுத்தை கட்சித் தலைவர் திருமாவளவன் படம் போட்ட திருமண வாழ்த்து பேனரை கிழித்தவர்கள் மீது நடவடிக்கை எடுக்கக்கோரி மக்கள் சாலைமறியலில் ஈடுபட்டனர்.
இதில் பேனர் கிழித்தவர்கள் மீது நடவடிக்கை எடுக்கப்படும் என கூறியதையடுத்து காலை 10 மணியளவில் சாலை மறியலை கைவிட்டனர்.
தருமபுரி அருகே உள்ள மாதே மங்கலம் கிராமத்தில் பார்த்தசாரதி - தாரணி என்பவர்களுக்கு கடந்த 10-ம் தேதி திருமணம் நடைபெற்றது. அதற்காக அவரது உறவினர்கள் விடுதலை சிறுத்தை கட்சியின் தலைவர் திருமாவளவன் படங்கள் உள்ளிட்ட திருமண வாழ்த்துப் பேனர்களை சாலையோரத்தில் வைத்திருந்தனர்.
அந்த பேனரை மூன்று பேர் சேர்ந்த மர்மகும்பல் கிழித்து விட்டதாகவும், அவர்கள்மீது நடவடிக்கை எடுக்க வேண்டும் எனவும் அதியமான் கோட்டை காவல் நிலையத்தில் அப்பகுதி மக்கள் புகார் கொடுத்தனர்.
ஆனால், புகாரை பெற்றுக்கொண்ட காவல் துறையினர் எவ்வித நடவடிக்கையும் எடுக்கவில்லை எனக் கூறப்படுகிறது.
இதனால், ஆத்திரமடைந்த ஒரு பிரிவினர் இன்று காலை மாதே மங்கலம் - மிட்டாரெட்டிஹெள்ளி சாலையில் வந்த அரசு பேருந்தை சிறைபிடித்து, பேனரை கிழித்தவர்களை உடனடியாக கைது செய்து, நடவடிக்கை எடுக்க வேண்டும் என சாலை மறியலில் ஈடுபட்டனர். இதனால் அப்பகுதியில் பரபரப்பு ஏற்பட்டது.
இதனையடுத்து தருமபுரி வட்டாட்சியர் ராதாகிருஷ்ணன், அதியமான் கோட்டை காவல் துறையினர் சம்பவ இடத்திற்கு சென்று பேச்சுவார்த்தையில் ஈடுபட்டனர்.
இதில் பேனர் கிழித்தவர்கள் மீது நடவடிக்கை எடுக்கப்படும் என கூறியதையடுத்து காலை 10 மணியளவில் சாலை மறியலை கைவிட்டனர்.
