தமிழ்நாடு டேக்வாண்டோ சங்கம் சார்பாக தருமபுரி மாவட்டத்தில் நடைபெற்ற 32வது மாநில அளவிலான போட்டிகளில் தருமபுரி, கிருஷ்ணகிரி, சேலம், சென்னை, திருச்சி, நாகை உட்பட பல்வேறு மாவட்டங்களில் இருந்து சுமார் 1,450க்கும் மேற்பட்ட வீரர் வீராங்கனைகள் கலந்து கொண்டனர்.
சப்-ஜூனியர், கேடர் என்ற இரு பிரிவுகளாக நடைபெற்ற இப்போட்டியில் வெற்றி பெற்றவர்களுக்கு பதக்கமும், சான்றிதழும் வழங்கப்பட்டது. தமிழ்நாடு விளையாட்டு மேம்பாட்டு கழகத்தின் சார்பில் திருச்சி பயிற்சியாளர் பரணிதேவி தலைமையில் கலந்துகொண்ட வீரர்கள் ஒரு தங்கம், ஒரு வெள்ளி மற்றும் 5 வெண்கலப் பதக்கங்களை வென்றனர்.
மேலும் வெற்றிபெற்ற வீரர்களுக்கு விளையாட்டு விடுதி மேலாளர் ரமேஷ், அணி மேலாளர் சுல்தானு ஆரிபின் ஆகியோர் வாழ்த்து தெரிவித்தனர்.
