கோயம்புத்தூர் மாவட்டம் பொள்ளாச்சி அருகே உள்ள ஆனைமலையில், ஆழம் விழுது தன்னார்வ அமைப்பு மற்றும் சுவாமி விவேகானந்தா ரத்ததான குழு, ரோட்டரி கிளப் சார்பில் மினி மாரத்தான் போட்டி நடத்தப்பட்டது. இந்த மினி மாரத்தான் போட்டி 5 பிரிவுகளாக கோவை மாவட்டம் ஆனைமலை முக்கோணத்தில் இருந்து இன்று காலை தொடங்கியது.
இந்த போட்டியை பொள்ளாச்சி தொழில் வர்த்தக சபை தலைவர் கோபாலகிருஷ்ணன் கொடி அசைத்து தொடங்கி வைத்தார். இந்த மினி மாரத்தான் போட்டியானது 5 வயது முதல் 10 வயது வரை உள்ளவர்களுக்கு 2 கிலோமீட்டர் தூரமும், 11 வயது முதல் 13 வயது வரை உள்ளவர்களுக்கு 4 கிலோ மீட்டர் தூரமும், 14 வயது முதல் 17 வயது வரை உள்ளவர்களுக்கு 6 கிலோமீட்டர் தூரமும் நடைபெற்றது.
ஆண்கள் பொது பிரிவில் 12 கிலோமீட்டர் தூரமும், பெண்கள் பொது பிரிவில் 8 கிலோமீட்டர் தூரமும் போட்டிகள் நடைபெற்றன. இந்த போட்டியில் ஒவ்வொரு பிரிவிலும் முதலில் வந்த 5 நபர்களுக்கு பதக்கங்களும், பரிசுகளும், கோப்பைகளும் வழங்கப்பட்டன. இந்த போட்டியில் சுமார் 300-க்கும் மேற்பட்ட வீரர்கள் வீராங்கனைகள் கலந்து கொண்டனர்
இதையும் படிங்க: ஊட்டி மலை ரயிலை வாடகைக்கு எடுத்த இங்கிலாந்து பயணிகள்!
