தனியார் மருத்துவமனை ஊழியர்கள் தொந்தரவால் தூய்மைப் பணியாளர் தற்கொலை

கோயம்புத்தூர்: தனியார் மருத்துவமனை ஊழியர்கள் தொந்தரவால் தூய்மைப் பணியாளர் தற்கொலை செய்துக்கொண்டுள்ளார்.

கோயம்புத்தூர் மாவட்டம் பி.கே.புதூர் பகுதியைச் சேர்ந்தவர் ரங்கசாமி. இவர் கடந்த நான்கு வருடங்களாக மேட்டுப்பாளையம் அருகேயுள்ள தனியார் மருத்துவமனையில் தூய்மைப் பணியாளராக பணிபுரிந்து வந்தார்.

அந்த மருத்துவமனையின் செவிலியர் லதா, அலுவலர்கள் ரேவதி, சாலமன் ஆகிய 3 பேர் ரங்கசாமிக்கு தொந்தரவு கொடுத்துள்ளனர். இதனால் காணொலி மூலம் நடந்ததை பதிவு செய்துவிட்டு தூய்மைப் பணியாளர் தற்கொலை செய்துக்கொண்டார்.

உயிரிழந்த தூய்மைப் பணியாளர்

அவரது உடல் அரசு மருத்துவமனையில் வைக்கப்பட்டுள்ளது. இந்நிலையில் மருத்துவமனை ஊழியர்கள் 3 பேர் மீது நடவடிக்கை எடுக்கக் கோரி அவரது மனைவி, மகள்கள் மாவட்ட ஆட்சியரிடம் மனு அளிக்க வந்தனர்.

மேலும் உழியர்கள் மீது நடவடிக்கை எடுக்காவிட்டால் உடலை வாங்க மாட்டோம் எனவும் அவர்கள் தெரிவித்தனர்.

இதையும் படிங்க: தனது சாவுக்கு காரணம் இவர்களே! - தற்கொலை செய்துகொண்ட தூய்மைப் பணியாளரின் காணொலி வைரல்!