கோயம்புத்தூர் மாவட்டம், சூலூர் பகுதியில் ஜெ.கிருஷ்ணாபுரம் ஊராட்சி மன்றத் தலைவியாகப் பணியாற்றி வருபவர், சரிதா. பட்டியலினத்தைச் சேர்ந்த சரிதாவிற்கு அதே பகுதியில் வசிக்கும் உசிலை மணி (எ) பாலசுப்ரமணியம் என்பவர், சாதிய ரீதியாக மிரட்டல் விடுப்பது, ஊராட்சி மன்ற அலுவலகத்தில் உள்ள தலைவர் இருக்கையில் அமரக்கூடாது என ஆதிக்கத் தொனியில் பேசுவது, பெயர்ப் பலகையில் பெயரை மாற்றக்கூடாது என்பது போன்ற தொந்தரவுகளைக் கொடுப்பதாக கோவை மாவட்ட காவல் கண்காணிப்பாளரிடம் புகாரளித்தார்.
இதையும் படிங்க: ’ஊராட்சி மன்றத் தலைவர் உயிருக்கே பாதுகாப்பு இல்லையா?' - ஸ்டாலின் கண்டனம்
இது தொடர்பாக, துணை காவல் கண்காணிப்பாளர் சிவகுமார் விசாரணை நடத்திவருகிறார். இந்தப் புகாரின் பேரில் பாலசுப்ரமணியம் மீது வன்கொடுமை தடுப்புச் சட்டத்தின் கீழ், காவல் கண்காணிப்பாளர் சதீஷ் குமார் வழக்குப் பதிவு செய்தார்.
சம்பவம் தொடர்பாக ஜெ. கிருஷ்ணாபுரம் ஊராட்சி மன்றத்தலைவி சரிதா, குற்றம்சாட்டப்பட்டுள்ள உசிலை மணி (எ) பாலசுப்ரமணியம் ஆகிய இருவரிடமும் விசாரணை நடத்தப்படுகிறது.
தொடர்ந்து, ஊராட்சி மன்றத் தலைவி சரிதாவின் கணவர் சேகருக்கு பாலசுப்ரமணியம் மிரட்டல் விடுத்தது தொடர்பாகவும் நெகமம் காவல் துறையினர் 3 பிரிவுகளின் கீழ் வழக்குப் பதிவு செய்து விசாரணை மேற்கொண்டு வருகின்றனர்.
இதையும் படிங்க:’தலைவர்னு உன் பெயரை எழுதவிட மாட்டேன்’ - பட்டியலின ஊராட்சி மன்றத் தலைவருக்கு மிரட்டல்!
