கோவை மதுக்கரை பகுதியில் வசித்துவரும் முத்துசுவாமி (45) - வேலுமணி (43) தம்பதிக்கு இரண்டு மகன்களும் ஒரு மகளும் இருந்தனர். தோட்ட வேலை செய்து வரும் முத்துசுவாமிக்கும் அவரது மனைவிக்கும் இடையே அடிக்கடி சண்டை ஏற்பட்டுவந்துள்ளது.
இந்நிலையில், நேற்று இரவு சுமார் 10 மணி அளவில் இருவருக்கும் இடையே வாக்குவாதம் ஏற்பட்டு பிரச்னை முற்றியுள்ளது. அதை நிறுத்துமாறு மகள் சித்ரா (17) பலமுறை கூறியும், இருவரும் பொருட்படுத்தாமல் தங்களின் சண்டையை தொடர்ந்தவாறு இருந்துள்ளனர்.
இதனால் மனமுடைந்த சித்ரா, வீட்டின் தோட்டத்தில் உள்ள கிணற்றில் குதித்துள்ளார். அவரைக் காப்பாற்றச் சென்ற அவரது அண்ணன் அருண்குமாரும் (25) கிணற்றில் குதித்திருக்கிறார். இதையடுத்து இருவருக்கும் நீச்சல் தெரியாததால் கிணற்றிலேயே பரிதாபமாக உயிரிழந்தனர்.
தகவலறிந்து வந்த தீயணைப்புத் துறையினர் சித்ரா, அருண்குமார் ஆகியோரது சடலங்களை மீட்டு உடற்கூறு ஆய்விற்காக கோவை அரசு மருத்துவமனைக்கு அனுப்பி வைத்தனர். பின்னர் இதுகுறித்து வழக்குப்பதிவு செய்த காவல் துறையினர், தொடர்ந்து விசாரணை மேற்கொண்டு வருகின்றனர்.
இதையும் படிங்க: கல்குவாரியில் குதித்த இளைஞர் சடலமாக மீட்பு!
