ஊரடங்கு உத்தரவை மீறிய 16 பேர் மீது வழக்குப்பதிவு

கோயம்புத்தூர்: பொள்ளாச்சியில் 144 தடை உத்தரவை மீறி சாலையில் உலா வந்த 16 போ் மீது காவல் துறையினர் வழக்குப்பதிவு செய்துள்ளனா்.

கரோனா வைரஸ் தொற்றை தடுப்பதற்காக, தமிழ்நாடு முழுவதும் 144 தடை உத்தரவு போடப்பட்டுள்ளது. இதனால், தமிழ்நாடு மட்டுமின்றி நாடு முழுவதும் வாகனங்கள், பொதுமக்கள் நடமாட்டமின்றி சாலைகள் வெறிச்சோடி காணப்படுகின்றன. இதனால், விதிகளை மீறி எவ்வித காரணமும் இல்லாமல், சாலைகளில் இரு சக்கர வாகனங்களில் உலா வருவோரை காவல் துறையினர் பிடித்து வழக்குப்பதிவு செய்கின்றனா்.

அந்த வகையில் பொள்ளாச்சி நகர பகுதியில் காவல் துணை கண்காணிப்பாளர் சிவக்குமார் தலைமையில் இந்தப் பணியில் ஈடுபட்ட காவல் துறையினர் 16 பேரை பிடித்து, தடை உத்தரவை மீறி செயல்பட்டதாக வழக்குப்பதிவு செய்தனா். மேலும், அவா்களுக்கு உடனடியாக பிணையும் வழங்கப்பட்டது.

தொடர்ந்து, கரோனா வைரஸ் பாதிப்பு அடங்கிய பிறகு, வழக்குப்பதிவு செய்தவா்கள் நீதிமன்றத்தில் ஆஜராக வேண்டியதிருக்கும் என காவல் துறையினர் தெரிவித்தனா். மேலும், ஒருமுறை வந்தவர்கள் மீண்டும் காவல் துறையிடம் தென்பட்டால் அவர்கள் உடனடியாக நீதிமன்றம் மூலம் சிறைச்சாலைக்கு அனுப்பப்படுவார்கள் என காவல் துணைக் கண்காணிப்பாளர் சிவக்குமார் தெரிவித்தார்.

இதையும் படிங்க: ஆதரவற்றோர்களுக்கு உணவு வழங்கிய 'மனிதநேய' காவலர்