இது தொடர்பாக அவர் வெளியிட்டுள்ள அறிக்கையில்,
- தமிழ்நாட்டில் டி.என்.பி.எஸ்.சி., நடத்தும் சிவில் நீதிபதிகளுக்கான தேர்வில் ஒரு விதிமுறை சேர்க்கப்பட்டிருக்கிறது. அது "தமிழ் தெரியாதவர்களும் விண்ணப்பிக்கலாம். அவர்கள் பணியில் சேர்ந்து இரண்டு ஆண்டுகளில் ஓரளவு தமிழைக் கற்றுக் கொண்டால் போதும். அதாவது அரைகுறைத் தமிழே போதுமானது" என்பதுதான்.
- கீழ்நிலையில் உள்ள தனது பணியாளர்களுடன் தமிழ் தெரியாத நீதிபதி எப்படிப் பேசுவார்? காவலர் ஆவணங்கள் அனைத்துமே தமிழில்தான் இருக்கும்; தமிழ் தெரியாத நீதிபதி அதனை எப்படிப் புரிந்துகொள்வர்? கீழ் கோர்ட் வழக்கு விவரங்களும் தமிழில்தான் இருக்கும் அதை எப்படிப் புரிந்துகொள்வர்?
- மேலும், தேர்விலேயே தமிழிலிருந்து ஆங்கிலத்திற்கு மொழிபெயர்க்கும் ஒரு பகுதி உண்டு. அது இத்தனை காலமும் மீறப்பட்டு வந்திருக்கிறது என்பதுதானே உண்மை. அதனால்தான் T.N.P.S.C செயலாளராக இருக்கும் கே.நந்தகுமாரி, "சிவில் நீதிபதிகளுக்கான இந்த T.N.P.S.C தேர்வு விதிமுறைகள் அரசமைப்புச் சட்டப்படியானதே. இதைத் தமிழ்நாடு அரசோ, தேர்வாணையமோ மாற்றமுடியாது. எந்த மாநிலத்தவர் வேண்டுமானாலும் இந்தத் தேர்வை எழுதலாம்.அதனைத் தடுக்க முடியாது" என்கிறார்.
- ஒரு பொறுப்பில் இருப்பவர் தன் அமைப்பில் உள்ள குறைகளை, தவறுகளைக் களைவதுதானே நேர்மையான அதிகாரிக்கு அடையாளம். ஆனால் கே.சாந்தகுமாரிக்கோ தன் "பொறுப்பு" முக்கியமாகப் படவில்லை; பதவியில் ஒட்டி "இருப்பு" தான் முக்கியமாகப் பட்டிருக்கிறது போலும். அதனால்தான் மக்கள் நலனை, நியாயத்தை மறுக்கிறார்.
- தமிழ் என்று வரும்போது நியாயம், நீதி, நேர்மை, உண்மை, வரலாறு, மரபுகள், அறிவியல் அனைத்துமே பலியிடப்படுகின்றன என்பதுதான் உண்மை. அறிவியல் வெளிச்சத்தில் தீய்ந்து சவமாய்க் காட்சியளிக்கும் மனுசாத்திர, வருணபேத, சனாதனத்திற்குத்தான் இந்தப் பலி படையலாகிறது. சவத்திற்கும் சாவுமணி அடித்து அதையே கொண்டாட்டம் மற்றும் கோட்பாடாக்கி பூஜிக்கும் மற்றும் பின்பற்றும் கற்கால கும்பல் இன்னும் இருக்கிறார்கள். அவர்களால்தான் ஆர்எஸ்எஸ்-பாஜக-அதிமுக கதை ஓடுகிறது.
- அறிவியல் வெளிச்சம் இண்டு இடுக்குகளில் எல்லாம் பரவும் இந்தக் காலத்தில், ஆர்எஸ்எஸ்-பாஜக-அதிமுகவின் இந்தக் கொடுங்கதை முடிவுக்கு வரும் நாள் வெகு தொலைவில் இல்லை. இதையே எச்சரிக்கையாகவும், கண்டனமாகவும் பதிவு செய்கிறது தமிழக வாழ்வுரிமைக் கட்சி! என அதில் குறிப்பிட்டுள்ளார்.
